الدور جاي على الشرق الأوسط، والنار بتقترب من البلاد العربية وانت مش حاسس... السكون اللي إحنا فيه دلوقتي هو سكون ما قبل العاصفة...
اللي حصل في فنزويلا امبارح كان مجرد بروفة بالذخيرة الحية للي هيحصل عندنا هنا قريب... لإن خريطة المنطقة اللي نعرفها بقالنا سنين، أمريكا وإسرائيل قرروا يمسحوها بالأستيكة عشان يرسموا بدالها خريطة تانية خالص... وفي الفترة اللي جاية، المنطقة العربية هتكون هي الساحة اللي هيتصفى فيها حساب وصراعات الكبار... ومحدش هيخرج منها سليم...
عشان تفهم سبب اللي بيحصل دلوقتي ده كله، خليني أبسطلك الموضوع كله وأفاجئك بإن القصة كلها، من أول ضربة أمريكا لفنزويلا ولحد الحرب بين إسرائيل وإيران، مش قصة دول بتقع ولا أنظمة بتتغير ولا نفط ولا حتى دهب...
القصة الحقيقية هي إننا دلوقتي يا صديقي في حرب عالمية جديدة...
إزاي؟! خليني اشرحلك باختصار، وليه إحنا بالفعل دلوقتي داخل الحرب العالمية الثالثة، بس الناس لسه مش مدركة ده ولا مستوعبين إنه بيحصل...
(الخلاصة هتلاقيها في الآخر عند العلامات دي لو عايز تفوت كل التفاصيل اللي جاية وتاخد الزتونة
شوف يا سيدي...
أمريكا في اللي هي بتعمله مؤخرًا تحت سياسات دونالد ترامب، مش بتتحرك بدافع الانتقام ولا البلطجة، وفي نفس الوقت مش بدافع نشر الديمقراطية والسلام، ولا حتى بدافع حماية إسرائيل وتوسعاتها... خالص... القصة أكبر من كده وأبسط في نفس الوقت...
أمريكا يا صديقي بتتحرك بدافع واحد بس... إن في قوة عملاقة طالعة قدامها اسمها الصين، والقوة دي بتهدد الأساس اللي اتبنت عليه الهيمنة الأمريكية على العالم كله من بعد الحرب العالمية التانية، اللي سقطت بعدها إمبراطوريات أوروبا، وصعدت فيها الإمبراطورية الأمريكية...
طب ازاي؟!
لسنين طويلة أمريكا كانت مهيمنة على العالم، حتى في وسط ما هي كانت بتتصارع مع الاتحاد السوفييتي، إلا انها تمكنت من إسقاطه في النهاية، واصبحت هي القوة العظمى الرئيسية اللي فارضة نفوذها وسيطرتها على العالم كله...
وزي أي إمبراطورية في التاريخ، الشيء الأساسي اللي بيحركها وبيحافظ على وجودها وهيمنتها هو 3 حاجات... الاقتصاد وسلاسل الإمداد والطاقة (النفط)...
وعشان كده أمريكا بقوتها الكبيرة دي، عملت اتفاقية (البترو دولار) مع السعودية، وخلت العالم كله مجبر يشتري النفط بالدولار، عشان تفضل مهيمنة على النظام التجاري، وتقدر تشتري كل احتياجاتها من النفط زي ما هي عايزة من الخليج...
بس مع مرور الزمن، بدأت تحصل حاجة أمريكا مكانتش عاملة حسابها عليها... صعود الصين...
أمريكا النهارده واقفة قدام خصم مختلف عن كل اللي واجهته قبل كده... مش اتحاد سوفيتي منهك ومنقسم، ولا دولة عسكرية معزولة وشعبها بيكرهها واقتصادها ضايع... لأ... المرة دي هي واقفة قصاد اقتصاد عملاق، أصبح حاليًا هو مصنع العالم كله، وأكبر منتج للمعادن النادرة المطلوبة للصناعات التكنولوجية، وأخطر تهديد للنظام المالي والتجاري اللي أمريكا بنت عليه هيمنتها من بعد الحرب العالمية التانية....
الصين يا صديقي مش محتاجة تضرب أمريكا عسكريًا عشان تهزمها، هي محتاجة بس تكمّل في نموها السريع زي ما هي، وتكمّل خطة فك ارتباطها بالدولار اللي هي بتشتغل عليها بالفعل دلوقتي من خلال الدهب وتحالف البريكس، وتكمّل السيطرة على سلاسل الإمداد العالمية من خلال المعادن النادرة... كل ده هو عبارة عن كابوس استراتيجي حقيقي لواشنطن، لإنه لو فضل مستمر، فهو هيقضي على هيمنتها بالكامل خلال سنين معدودة...
طب أمريكا تعمل أيه عشان تخلص منها؟! تدخل معاها في حرب مباشرة؟!
مش هينفع طبعًا... الصين دولة مسلحة نوويًا، وحلفاءها كبار أوي زي روسيا وكوريا الشمالية، اللي هما بردو دول نووية... يعني العالم كله هيتحرق... ولو فرضنا ان العالم متحرقش ومحدش ضرب نووي، ف الاقتصاد العالمي هينهار ومحدش هيخرج من الحرب دي سليم...
الحرب دي عشان تنجح، لازم تكون غير تقليدية... وعشان كده أمريكا فكرت في خطة غير تقليدية...
أيه هي الخطة؟
الصين زي ما انت عارف؛ بقت مصنع العالم، وميناء العالم، وبنك العالم... بس هي لسه لحد دلوقتي تعتبر المشتري الأكبر للطاقة في الكوكب كله، عشان تقدر تدعم اقتصادها الصناعي الهائل، وتشغل مصانعها اللي بتخدم على العالم كله...
وعشان تبقى فاهم، فيكفي إني أقولك ان الصين سنة 2024، كانت بتستود حوالي 11.1 مليون برميل (يوميًا) من النفط الخام... ركز إني بقول يوميًا، يعني كل يوم بتستورد العدد ده، عشان تغطي الاحتياجات الداخلية ليها، اللي هي بتوصل لحوالي 74% من المطلوب داخليًا...
وبتستورد منين بقى الصين؟
من دول رئيسية بتعتمد عليها زي السعودية وإيران وفنزويلا وروسيا، ومعاهم دول تانية بنسب أقل زي العراق وماليزيا وغيرهم...
وعايز أقولك ان الأرقام الرهيبة اللي بتستوردها دي مش كلها عشان الإستهلاك المحلي، بل كمان عشان الصين شغالة على استراتيجية شراء استباقي، هدفها زيادة احتياطياتها النفطية الاستراتيجية لقرابة (مليار) برميل بحلول عام 2026، اللي هو لسه باديء ده...
طب معلش هما ليه بيزودوا احتياطاتهم كتير أوي كده؟ هما بيحضروا لأيه؟!
هسيب الموضوع لخيالك انت بقى... بس يكفي إني اقولك ان المحللين دلوقتي شايفين إن أنماط الشراء الصينية أصبحت محرك رئيسي لأسعار النفط العالمية، بل وتتجاوز كمان في تأثيرها قرارات منظمة أوبك+...
كل ده بقى بالنسبة لأمريكا معناه حاجة واحدة... أي ضربة لشريان الطاقة الصيني، هي ضربة في قلب الاقتصاد الصيني نفسه!
وهنا بقى تبدأ تفهم ليه فنزويلا كانت الخطوة الأولى...
أمريكا يا صاحبي ما خدتش فنزويلا وخطفت رئيسها عشان النفط وبس... أمريكا خدت فنزويلا عشان تعمل حاجتين في منتهى الخطورة...
أول حاجة تقطع عن الصين إمداداتها النفطية اللي جاية من فنزويلا، اللي هي بتمثل حوالي 4% من الواردات النفطية، وتسددلها ضربة اقتصادية من خلال وقف دفع الديون الفنزويلية المستحقة للصين...
وتاني حاجة هي إنها تأمّن نفسها بالكامل من الصدمة النفطية اللي جاية...
طب يعني إيه الكلام ده؟ صدمة أيه اللي جاية؟!
هنا بقى ييجي دور القطعة التانية على رقعة الشطرنج... إيران...
أمريكا دلوقتي بتتوعد إيران بإنها تتدخل جواها، وترامب نفسه هدد النظام الإيراني بإنه هيتدخل وهيضربهم لو موقفوش قتل في المتظاهرين اللي عندهم دلوقتي... والمظاهرات دي أساسًا جزء كبير منها مفتعل بسبب عملاء الموساد اللي موجودين لسه جوه إيران، واللي هدفهم قلب نظام الحكم وإسقاط الدولة...
وكل ده ليه؟!
مش بس عشان إسرائيل شايفاها الخطر الأعظم، ولا عشان البرنامج النووي، ولا كل الكلام الكبير ده... السبب الأكبر هو إن إيران حليفة كبيرة للصين، وبتصدرلها شحنات نفط كتير، وكمان إيران تعتبر مسيطرة على مضيق هرمز اللي بيمر فيه 40% من الشحنات النفطية اللي رايحة الصين من دول تانية، واللي هو جزء من طريق الحرير الصيني...
أي تهديد هناك، حتى لو لأيام، معناه إن شحنات النفط الصينية تتوقف والشحن التجاري العالمي يتأخر، واللي هو بردو بجزء كبير هيسبب ضرر اقتصادي كبير للصين، وهينتج عنه تزايد في الأسعار وتراجع في النمو الاقتصادي...
وبالتالي لو إيران اتضربت والشرق الأوسط ولع، ومضيق هرمز اتقفل جزئيًا أو كليًا، أسعار النفط هتزيد والعالم كله هيتشل، وده هيأثر بشكل مباشر على الصين...
هنا طبعًا هتسألني يعني هي الصين بس اللي هتتأثر؟ ما أمريكا كمان هتتأثر... بس أنت نسيت حاجة يا صديقي... أمريكا بالفعل أمنت نفط فنزويلا خلاص وسيطرت عليه، والشركات الأمريكية خلاص هتبدأ خلال الأيام اللي جاية تحط استثماراتها هناك وتصلح البنية التحتية عشان تزود إنتاج النفط هناك لأعلى مستوى ممكن...
فبالتالي أمريكا شبه مش هتتأثر خلاص... عندها نفطها المحلي، وعندها نفط فنزويلا، وعندها مخزون استراتيجي ضخم... مش محتاجة لا لإيران ولا للسعودية ولا للعرب كلهم...
إنما الصين؟
الصين هتتخنق... وحتى كارت المعادن النادرة اللي هي بتمتلكه، واللي بتضغط بيه على أمريكا والغرب دلوقتي، أمريكا بتخطط لتجاوزه من خلال إن ترامب خلال الأسابيع اللي جاية بنسبة 90% هيحتل جزيرة جرين لاند الغنية بالمعادن والنفط والغاز، واللي بتحتوي على بعض من أكبر احتياطيات العالم في المعادن النادرة!
ولو مش مصدق، شوف اللي انا سايبهولك في أول كومنت...
طب يعني الخلاصة أيه؟
الخلاصة: إحنا بالفعل بداخل الحرب العالمية الثالثة يا صديقي، وهي بدأت خلاص مش لسه هتبدأ... المفهوم التقليدي المعروف في الكتب لمصطلح (الحرب العالمية)، معناه صراع دولي هائل يشارك فيه معظم أو كل القوى الكبرى في العالم، ويمتد عبر قارات متعددة... وده بالضبط اللي احنا بنشهد بداياته دلوقتي...
روسيا بتحارب في أوكرانيا ومن وراها الناتو كله بالفلوس والسلاح... إسرائيل بتحارب في العرب وخصوصًا بلاد الشام وبتضرب فيهم وتتوسع على حساب ضعفهم... دول الخليج بتتصارع فيما بينها على النفوذ والأمن الاستراتيجي... إيران بتحرك وكلائها ضد الغرب وإسرائيل... أمريكا بتحارب فنزويلا وبتستولي عليها، وبتخطط للإستيلاء على جرين لاند وباقي دول أمريكا الجنوبية، وبتحارب الصين بشكل غير مباشر... والصين نفسها بتجهز نفسها لحرب مع أمريكا، وعشان تستولي على تايوان...
الفترة اللي احنا عايشينها دلوقتي دي، هي بالضبط نفس الفترة اللي سبقت قيام الحرب العالمية الأولى والتانية بشكل شامل... وعشان كده إحنا دلوقتي – كدول عربية – في موقف حرج وصعب... والأسوأ إن قرار الحرب مش بإيدينا... العالم كله جاي يحارب بعضه عندنا هنا، واحنا اللي هنحاسب ع المشاريب... للأسف... وهحكيلك ازاي في مقال قادم...
المصادر كلها هسيبهالك في الكومنتات كالعادة
ومتنساش الشير عشان غيرك يعرف التفاصيل اللي فاتت دي لإنها مهمة فعلًا...
شكرًا.
#علام عرض أقل
الدور جاي على الشرق الأوسط، والنار بتقترب من البلاد العربية وانت مش حاسس... السكون اللي إحنا فيه دلوقتي هو سكون ما قبل العاصفة...
اللي حصل في فنزويلا امبارح كان مجرد بروفة بالذخيرة الحية للي هيحصل عندنا هنا قريب... لإن خريطة المنطقة اللي نعرفها بقالنا سنين، أمريكا وإسرائيل قرروا يمسحوها بالأستيكة عشان يرسموا بدالها خريطة تانية خالص... وفي الفترة اللي جاية، المنطقة العربية هتكون هي الساحة اللي هيتصفى فيها حساب وصراعات الكبار... ومحدش هيخرج منها سليم...
عشان تفهم سبب اللي بيحصل دلوقتي ده كله، خليني أبسطلك الموضوع كله وأفاجئك بإن القصة كلها، من أول ضربة أمريكا لفنزويلا ولحد الحرب بين إسرائيل وإيران، مش قصة دول بتقع ولا أنظمة بتتغير ولا نفط ولا حتى دهب...
القصة الحقيقية هي إننا دلوقتي يا صديقي في حرب عالمية جديدة...
إزاي؟! خليني اشرحلك باختصار، وليه إحنا بالفعل دلوقتي داخل الحرب العالمية الثالثة، بس الناس لسه مش مدركة ده ولا مستوعبين إنه بيحصل...
(الخلاصة هتلاقيها في الآخر عند العلامات دي لو عايز تفوت كل التفاصيل اللي جاية وتاخد الزتونة
شوف يا سيدي...
أمريكا في اللي هي بتعمله مؤخرًا تحت سياسات دونالد ترامب، مش بتتحرك بدافع الانتقام ولا البلطجة، وفي نفس الوقت مش بدافع نشر الديمقراطية والسلام، ولا حتى بدافع حماية إسرائيل وتوسعاتها... خالص... القصة أكبر من كده وأبسط في نفس الوقت...
أمريكا يا صديقي بتتحرك بدافع واحد بس... إن في قوة عملاقة طالعة قدامها اسمها الصين، والقوة دي بتهدد الأساس اللي اتبنت عليه الهيمنة الأمريكية على العالم كله من بعد الحرب العالمية التانية، اللي سقطت بعدها إمبراطوريات أوروبا، وصعدت فيها الإمبراطورية الأمريكية...
طب ازاي؟!
لسنين طويلة أمريكا كانت مهيمنة على العالم، حتى في وسط ما هي كانت بتتصارع مع الاتحاد السوفييتي، إلا انها تمكنت من إسقاطه في النهاية، واصبحت هي القوة العظمى الرئيسية اللي فارضة نفوذها وسيطرتها على العالم كله...
وزي أي إمبراطورية في التاريخ، الشيء الأساسي اللي بيحركها وبيحافظ على وجودها وهيمنتها هو 3 حاجات... الاقتصاد وسلاسل الإمداد والطاقة (النفط)...
وعشان كده أمريكا بقوتها الكبيرة دي، عملت اتفاقية (البترو دولار) مع السعودية، وخلت العالم كله مجبر يشتري النفط بالدولار، عشان تفضل مهيمنة على النظام التجاري، وتقدر تشتري كل احتياجاتها من النفط زي ما هي عايزة من الخليج...
بس مع مرور الزمن، بدأت تحصل حاجة أمريكا مكانتش عاملة حسابها عليها... صعود الصين...
أمريكا النهارده واقفة قدام خصم مختلف عن كل اللي واجهته قبل كده... مش اتحاد سوفيتي منهك ومنقسم، ولا دولة عسكرية معزولة وشعبها بيكرهها واقتصادها ضايع... لأ... المرة دي هي واقفة قصاد اقتصاد عملاق، أصبح حاليًا هو مصنع العالم كله، وأكبر منتج للمعادن النادرة المطلوبة للصناعات التكنولوجية، وأخطر تهديد للنظام المالي والتجاري اللي أمريكا بنت عليه هيمنتها من بعد الحرب العالمية التانية....
الصين يا صديقي مش محتاجة تضرب أمريكا عسكريًا عشان تهزمها، هي محتاجة بس تكمّل في نموها السريع زي ما هي، وتكمّل خطة فك ارتباطها بالدولار اللي هي بتشتغل عليها بالفعل دلوقتي من خلال الدهب وتحالف البريكس، وتكمّل السيطرة على سلاسل الإمداد العالمية من خلال المعادن النادرة... كل ده هو عبارة عن كابوس استراتيجي حقيقي لواشنطن، لإنه لو فضل مستمر، فهو هيقضي على هيمنتها بالكامل خلال سنين معدودة...
طب أمريكا تعمل أيه عشان تخلص منها؟! تدخل معاها في حرب مباشرة؟!
مش هينفع طبعًا... الصين دولة مسلحة نوويًا، وحلفاءها كبار أوي زي روسيا وكوريا الشمالية، اللي هما بردو دول نووية... يعني العالم كله هيتحرق... ولو فرضنا ان العالم متحرقش ومحدش ضرب نووي، ف الاقتصاد العالمي هينهار ومحدش هيخرج من الحرب دي سليم...
الحرب دي عشان تنجح، لازم تكون غير تقليدية... وعشان كده أمريكا فكرت في خطة غير تقليدية...
أيه هي الخطة؟
الصين زي ما انت عارف؛ بقت مصنع العالم، وميناء العالم، وبنك العالم... بس هي لسه لحد دلوقتي تعتبر المشتري الأكبر للطاقة في الكوكب كله، عشان تقدر تدعم اقتصادها الصناعي الهائل، وتشغل مصانعها اللي بتخدم على العالم كله...
وعشان تبقى فاهم، فيكفي إني أقولك ان الصين سنة 2024، كانت بتستود حوالي 11.1 مليون برميل (يوميًا) من النفط الخام... ركز إني بقول يوميًا، يعني كل يوم بتستورد العدد ده، عشان تغطي الاحتياجات الداخلية ليها، اللي هي بتوصل لحوالي 74% من المطلوب داخليًا...
وبتستورد منين بقى الصين؟
من دول رئيسية بتعتمد عليها زي السعودية وإيران وفنزويلا وروسيا، ومعاهم دول تانية بنسب أقل زي العراق وماليزيا وغيرهم...
وعايز أقولك ان الأرقام الرهيبة اللي بتستوردها دي مش كلها عشان الإستهلاك المحلي، بل كمان عشان الصين شغالة على استراتيجية شراء استباقي، هدفها زيادة احتياطياتها النفطية الاستراتيجية لقرابة (مليار) برميل بحلول عام 2026، اللي هو لسه باديء ده...
طب معلش هما ليه بيزودوا احتياطاتهم كتير أوي كده؟ هما بيحضروا لأيه؟!
هسيب الموضوع لخيالك انت بقى... بس يكفي إني اقولك ان المحللين دلوقتي شايفين إن أنماط الشراء الصينية أصبحت محرك رئيسي لأسعار النفط العالمية، بل وتتجاوز كمان في تأثيرها قرارات منظمة أوبك+...
كل ده بقى بالنسبة لأمريكا معناه حاجة واحدة... أي ضربة لشريان الطاقة الصيني، هي ضربة في قلب الاقتصاد الصيني نفسه!
وهنا بقى تبدأ تفهم ليه فنزويلا كانت الخطوة الأولى...
أمريكا يا صاحبي ما خدتش فنزويلا وخطفت رئيسها عشان النفط وبس... أمريكا خدت فنزويلا عشان تعمل حاجتين في منتهى الخطورة...
أول حاجة تقطع عن الصين إمداداتها النفطية اللي جاية من فنزويلا، اللي هي بتمثل حوالي 4% من الواردات النفطية، وتسددلها ضربة اقتصادية من خلال وقف دفع الديون الفنزويلية المستحقة للصين...
وتاني حاجة هي إنها تأمّن نفسها بالكامل من الصدمة النفطية اللي جاية...
طب يعني إيه الكلام ده؟ صدمة أيه اللي جاية؟!
هنا بقى ييجي دور القطعة التانية على رقعة الشطرنج... إيران...
أمريكا دلوقتي بتتوعد إيران بإنها تتدخل جواها، وترامب نفسه هدد النظام الإيراني بإنه هيتدخل وهيضربهم لو موقفوش قتل في المتظاهرين اللي عندهم دلوقتي... والمظاهرات دي أساسًا جزء كبير منها مفتعل بسبب عملاء الموساد اللي موجودين لسه جوه إيران، واللي هدفهم قلب نظام الحكم وإسقاط الدولة...
وكل ده ليه؟!
مش بس عشان إسرائيل شايفاها الخطر الأعظم، ولا عشان البرنامج النووي، ولا كل الكلام الكبير ده... السبب الأكبر هو إن إيران حليفة كبيرة للصين، وبتصدرلها شحنات نفط كتير، وكمان إيران تعتبر مسيطرة على مضيق هرمز اللي بيمر فيه 40% من الشحنات النفطية اللي رايحة الصين من دول تانية، واللي هو جزء من طريق الحرير الصيني...
أي تهديد هناك، حتى لو لأيام، معناه إن شحنات النفط الصينية تتوقف والشحن التجاري العالمي يتأخر، واللي هو بردو بجزء كبير هيسبب ضرر اقتصادي كبير للصين، وهينتج عنه تزايد في الأسعار وتراجع في النمو الاقتصادي...
وبالتالي لو إيران اتضربت والشرق الأوسط ولع، ومضيق هرمز اتقفل جزئيًا أو كليًا، أسعار النفط هتزيد والعالم كله هيتشل، وده هيأثر بشكل مباشر على الصين...
هنا طبعًا هتسألني يعني هي الصين بس اللي هتتأثر؟ ما أمريكا كمان هتتأثر... بس أنت نسيت حاجة يا صديقي... أمريكا بالفعل أمنت نفط فنزويلا خلاص وسيطرت عليه، والشركات الأمريكية خلاص هتبدأ خلال الأيام اللي جاية تحط استثماراتها هناك وتصلح البنية التحتية عشان تزود إنتاج النفط هناك لأعلى مستوى ممكن...
فبالتالي أمريكا شبه مش هتتأثر خلاص... عندها نفطها المحلي، وعندها نفط فنزويلا، وعندها مخزون استراتيجي ضخم... مش محتاجة لا لإيران ولا للسعودية ولا للعرب كلهم...
إنما الصين؟
الصين هتتخنق... وحتى كارت المعادن النادرة اللي هي بتمتلكه، واللي بتضغط بيه على أمريكا والغرب دلوقتي، أمريكا بتخطط لتجاوزه من خلال إن ترامب خلال الأسابيع اللي جاية بنسبة 90% هيحتل جزيرة جرين لاند الغنية بالمعادن والنفط والغاز، واللي بتحتوي على بعض من أكبر احتياطيات العالم في المعادن النادرة!
ولو مش مصدق، شوف اللي انا سايبهولك في أول كومنت...
طب يعني الخلاصة أيه؟
الخلاصة: إحنا بالفعل بداخل الحرب العالمية الثالثة يا صديقي، وهي بدأت خلاص مش لسه هتبدأ... المفهوم التقليدي المعروف في الكتب لمصطلح (الحرب العالمية)، معناه صراع دولي هائل يشارك فيه معظم أو كل القوى الكبرى في العالم، ويمتد عبر قارات متعددة... وده بالضبط اللي احنا بنشهد بداياته دلوقتي...
روسيا بتحارب في أوكرانيا ومن وراها الناتو كله بالفلوس والسلاح... إسرائيل بتحارب في العرب وخصوصًا بلاد الشام وبتضرب فيهم وتتوسع على حساب ضعفهم... دول الخليج بتتصارع فيما بينها على النفوذ والأمن الاستراتيجي... إيران بتحرك وكلائها ضد الغرب وإسرائيل... أمريكا بتحارب فنزويلا وبتستولي عليها، وبتخطط للإستيلاء على جرين لاند وباقي دول أمريكا الجنوبية، وبتحارب الصين بشكل غير مباشر... والصين نفسها بتجهز نفسها لحرب مع أمريكا، وعشان تستولي على تايوان...
الفترة اللي احنا عايشينها دلوقتي دي، هي بالضبط نفس الفترة اللي سبقت قيام الحرب العالمية الأولى والتانية بشكل شامل... وعشان كده إحنا دلوقتي – كدول عربية – في موقف حرج وصعب... والأسوأ إن قرار الحرب مش بإيدينا... العالم كله جاي يحارب بعضه عندنا هنا، واحنا اللي هنحاسب ع المشاريب... للأسف... وهحكيلك ازاي في مقال قادم...
المصادر كلها هسيبهالك في الكومنتات كالعادة
ومتنساش الشير عشان غيرك يعرف التفاصيل اللي فاتت دي لإنها مهمة فعلًا...
شكرًا.
#علام عرض أقل
English